पुणे : रयत शिक्षण संस्थेच्या डॉ. बाबासाहेब आंबेडकर महाविद्यालयात लोकायत सामाजिक संस्था आणि मराठी विभाग यांच्या वतीने ज्योती म्हापसेकर लिखित ‘मुलगी झाली हो!’ या नाट्याचा प्रयोग आयोजित करण्यात आला होता.
कार्यक्रमाचे अध्यक्ष महाविद्यालयाचे प्राचार्य डॉ. शिवलिंग मेनकुदळे म्हणाले, ‘विद्यार्थ्यांच्या वैचारिक जाणिवा अधिकाधिक समृद्ध व्हाव्यात. हे शिक्षणाचे उद्दिष्ट आहे; तसेच विद्यार्थ्यांमध्ये शिक्षणाबरोबर सामाजिक जाणीव निर्माण व्हावी, अशा उद्देशाने हा नाट्यप्रयोग आणि परिसंवाद आयोजित करण्यात आला आहे. या प्रयोगानंतर महाविद्यालयातील विद्यार्थ्यांनी परिसंवादामध्ये भाग घेतला. यामध्ये सूर्यकांत सरोदे, रूपाली मुदनोर-काळे, ऋषिकेश कानवटे, कोमल जावीर, आकाश टेंभुर्णीकर, स्वप्नाली कांबळे, कुमोदिनी, विजय खोरे, अमोल म्हस्के, गौरी कांबळे आदींचा समावेश होता.
कार्यक्रमाचे प्रास्ताविक उपप्राचार्य आणि मराठी विभागप्रमुख डॉ. संजय नगरकर यांनी केले. डॉ. अतुल चौरे यांनी आभार मानले. कार्यक्रमाचे सूत्रसंचालन ‘आयक्यूएसी’ विभागाच्या चेअरमन डॉ. सविता पाटील यांनी केले.
कार्यक्रमाला प्रा. भीमराव पाटील, डॉ. सुहास निंबाळकर, डॉ. हर्षद जाधव, प्रा. कुशल पाखले यांच्यासह मोठ्या संख्येने विद्यार्थी उपस्थित होत